SAM 50:2-20

²Anutu you Saion gapmane yuak. Yotbamu wanggapma take siknga siwan dundumna siknga. Siwan Anututane kakaa aknga anggaman yuak.

³Anututa ninde asapik. Sike waapa dua wikake yuke apik. Wena siknga. Katap gwenu sangabam yasiwan kumnanga tupan kuwik. Sike gotkat sopaat kumzang siknga unin takumbasiuuk apik.

⁴Ita aminu yekapat gatu kepdakane nana yayawaawan apa waamindane yuyuknga katak siknga usanziwik.

⁵Anututa anzing yanggak, “Natane aminabam, nae apan unekan yutnim. Gikat gatu naat pasap taknga tasinangge natake ginda kaau nae pasap waaknga tapan kekekawikge namuking,” ngang yanggak.

⁶Siwan sanga yekapatang yuaingga yeutniman kake ninda Anutu noman sikngaapa ngang nataamang. Dasingge, Anutu ina amin usanzikgak kapanin.

⁷Siwan Anututa yanggak, “Ginu natane aminabam, natapnong. Na ginde wamu kaa. Ginu Isrel amin, nata ginu kotde pakuwa yaningge nataat. Nakan, na Anutu siknga. Na gindane Anutusa.

⁸Ginda sanga nae namukainggenu kaanga dua daninggat. Wena. Asingganu nata danduwawa sanga nae namunangge natakengu katapatang sake namuwawa kake take nataat.

⁹Sike ngana natanu kao wawigwen ba meme wawi gwenu damanzane panangge dua nataat. Ie nata dua dapmanggat. Wena.

¹⁰Kaap zongu zongaatang yuaingkat gatu kao tawan dakandakaatang yuaingu, wa kuupbam natanekan.

¹¹Kwait gwegwen, kaapzong gatu gwakgwau sakganang tangaatang sukukaingu, wa kuupbam natanekan.

¹²Sike na tomma natakengu nata dua danikapa natapning. Wena. Kepdakaat gatu sanga une yuaingu, wa kuupbam natanekan.

¹³Asikaya na kao wawi gwendane gamanggamai apba nanggat? Asikaya na meme wawi gwendane daknga apba tangokgat, ba? Wena!

¹⁴Ateke ginda na Anutue gaak gwaang naninong. Wa sanga unzing kaknga ginda nae namunangge gwa yakingu na Anutu enane siknga yuat tapae ginda wa atnamunong.

¹⁵Ginda unzing tasiwawa meya takngatuta apan kakengu ginda nae take yaning. Yawa nata ginu asiknga gatandamit. Gatandama ginda natane umana yatangenatnong.”

¹⁶Siwan ngana wai aminde Anututa anzing yaninggak, “Ginda dasingge natane mama wama kuupbamde yakaing? Gatu, minae natane pasap wama yakaing,” ngang yaninggak.

¹⁷“Nata gin panomanuwitde dua nataaing. Asingganu ginda nae wam yamasandekaing.

¹⁸Ginda kukwa amin kake notza dakngawan yuaing. Gatu ginu mayata apna sandekgak ba wawita maatna sandeke yasewa yumdekan tasikaing aminkat sukukaing.

¹⁹Ginu genza dakaneta wamu waiaknga ba kem wamu asinggan yakaing.

²⁰Gatu ginda notzaapa kot yaningge pakukaing. Pakuke waaminde ginda masa wam yanikaing. Sike ginda sapdut wamu minggatane waakngae inisapdukaing.