Sam 50:16-23

¹⁶Ketla ne Moroa i tong i ri limixin kakapmek keretna, “Kopmen tavasuun teren la nemi mi utus empampana axap Laulis Linga rak. La kopmen tavasuun teren la nemi mi vepaase mumu lekabus tarak,

¹⁷atla mi ven abulubun kepe lavapaase sok tarak la mik sok sisixe bok leventaangas tarak.

¹⁸Mi etangas mi luvuttadi xipkip pilo, la mi vemu eburu mi limixin longlongka.

¹⁹Amisik mi vavara na paase xapmek, la soso mun mi tong asu levelinga xaxarang.

²⁰Amisik mi gagas tik lok li luvutneton nimi at lavapapaase, la mira lele asu bok atdi.

²¹Miga lok na levempanga axap, ketla nia a goxo tong toxolinga, la miga doma i do nia a lok ngan nimi. Ketla nanga ana paase sok nimi la ana lox asuvos nemi at lavapaase.

²²Nemi mim taba sinta ia, mina ronga i na. Naba lok kapmek do nia ana vaxat lalais nemi, la kopmen bok ba tara go naba lox asepsu nemi.

²³Loklok ti tong avukat, ni lagale laramtaba ip kip aurut laasen tarak, la nia anaba lox asepsu rinotno nedi di ronga res tarak.”