Sam 49:16-20

¹⁶Mu lopu talotaṉa nia be ta evaṉae tagotago si keke tie, meke be noma hola lala nana sa nana tinagotago!

¹⁷Ura pana mate sa loketoṉa si kaqu paleke taloa nia sa pa lovu. Loke tinagotago si kaqu paleke la nia sa pa lovu.

¹⁸Be guana qetuqetu sa tie pa nana tinoa soti, meke tava lavata si asa sina koa valeana,

¹⁹ba kaqu luli la i tugo sa sari kasa tiatamana pukerane pa minate. Vasina lopu hite ta dogoro sa kalalasa.

²⁰Lopu boka govete nia keke tie sa minate, ura kaqu mate gua tugo ri na kurukuru si asa!