Sam 48:2-7

²Na tolavaena meke ululuna sa toqere Zaione, sa vasileana lavata tanisa Baṉara Lavata. Variva qetu si asa pa doduru kasia popoa, sa toqere Zaione te Tamasa.

³Ele vata dogoro nia Tamasa sapu Asa tu sa vinasare sapu koa pa korapana sa Nana vasileana lavata.

⁴Ura dotu, ele varigara sari na baṉara, pude rapatia sa toqere Zaione, gua.

⁵Ba sipu dogoria rini si magasa, meke tarazuzu na govete taloa si arini.

⁶Matagutu na neneqara si arini, gua tugo na barikaleqe pu ta sigiti koburu.

⁷Gua tugo na vaka si arini pu hena lamae ni na raneboṉi.