Sam 45:8-14

⁸Tava humaṉa lea sari na mua poko koa sa moa, na aloesi, meke na kasia, sari na tie mikemike si va qetuqetu igo koasa mua vetu baṉara sapu tava sarie kadakada livo elopaniti.

⁹Sari na tudia vineki rina baṉara si koa somanae koari na barikaleqe pu ta pamaṉaedi, meke pa kali mataomu si turu nana sa kalaho sapu tava sarie qolo ṉedala.

¹⁰Tuqu vineki, mu avoso valeana mae koa rau. Mamu veko pani sari na mua butubutu soti, meke sa mua tatamana soti.

¹¹Okoro nia sa baṉara sa mua tinolava, asa tu sa mua baṉara, ke mamu va lavatia.

¹²Sari na tie koasa vasileana nomana pa Taera, si kaqu paleke ponigo vinariponi, sari na tie tagotagodi hola ba kaqu paleke ponigo soku votivotiki vinariponi arilaedi.

¹³Tolavaena hola sa vineki tavia sapu sa kalaho tanisa baṉara. Ta piti turaṉae qolo sari nana poko sipu koa si asa koasa vetu baṉara.

¹⁴Visoviso va leleana sari nana poko totoso turaṉa la nia rini si asa koasa baṉara, meke luli la koasa sari kasa vineki pu turu turaṉia sa kalaho, meke turaṉa lani tugo rini si arini koasa baṉara.