Sam 42:6-11

⁶Lodu mate sa buloqu pa tinaraovo, gua asa ke balabala ia rau sa Tamasa. Va maei Sa sari na tinalotaṉa pu vari tomotomoi guana bogusu pa qua tinoa. Sa tinahuara si totolo mae guana naqe koarau. Guana titisi pa toqere Hemoni meke pa toqere Miza, sapu zoloro gore la pa Ovuku Zodani.

⁸Pana rane si tataru nau Sa pa Nana tataru nabuna, gua asa ke kera vahesia rau se Zihova pana boṉi. Asa sa qua vinaravara la koe Tamasa pu poni nau sa tinoa.

⁹Zama la si rau koe Tamasa sa qua Patu Aqoroana, “Na vegua ke veko pani au Goi? Na venagua, ke kaqu koa ta sigiti lani mo rau sari na ṉinovaṉovala tadi na qua kana?”

¹⁰Guana ta muzara va umumu sa tiniqu sipu lopu makudo, zama au rini, “Avei tu sa mua Tamasa,” gua.

¹¹Na vegua ke talotaṉa na balabala mamata si rau? Kaqu raṉea rau sa Tamasa, sina kaqu vahesi pulea rau sa qua Hinarupu meke sa qua Tamasa.