Sam 42:5-10

⁵Kxmule-esz' nabznge talvzo x nelznge vzdzm, A' sa na-abrtxtrpwo drtwrnge bam. Murde naglqlz-mou-ngrne nim kalr, Mzli kc na-arlapxq ninge.

⁶Gct rnge, mzli boipe trnzkrlzpe-krpou Israel. ?Memule tqpulio-zvz-ngrme bange nzkxpungr mz nzapu-krde lue kxvo? Nzvzdz-krm nelznge vz-ebirnrpe-ngrm bange apule nrc kcng tzyrplalvzolr ninge. X nztalvzokr nabznge xplr-zlwzpe apule nzyrpukr lue kxtalio mz nabzde. X ebio ngr srkau amrlx kcng tqatwzlr-ngrme nzalxlvrtine-zvzlr ninge. A' nadcpx mz drtwrnge da kcng tqmyalz tqaleq Israel, Mrkc tqyrlengr LueJodzn x tqycngr Newz Hemon x Newz Misa.

⁸Murde vz zvz nzpulio-krme nivz lrm mz zbq kang kqlu. X ngrbo bam mz nrlckxbq vzmi nzkrka'-krnge murde nim Gct kx rkam nzlungr bange.

⁹Gct, nim butqbr nyznge. ?Memule tqmrbrtitrpengr drtwrm ninge? ?X memule tqkxpu-zvz-ngrne Mz nzaetqti-krm enqmi rngeng drtqnge?

¹⁰Nzrpi-zvzmlr bange kx, “?Memule Gct rm trokatrpe-ngrdeu nim? ?Bzpe?” X sc tqvz zvz nzngzlilvzti-krdr ninge natq kxtrka.