SAM 41:4-10

⁴Siwan na nina anzing yakum, “Buyambam tapa, nata waiaknga gae tasikum. Siwan ngana gata nae musip kwikwik natangamuyo. Natake maitna sandekngamuyo,” ngang yakum.

⁵Sike natane iwanata musip maik natangamuke anzing yakaing, “Asikaya mait sike akupik gamu take siwan umana sopuwan ninda ie apbotanim,” ngang yakaing.

⁶Iwana waakwakga apu nandukengu kem tanzit wam nanikaing. Waakwakga nae sapdut wam yakaing. Siwan waaminda kepman epu kukenga sapdut wamu waaknga kepna kepna yanitakukaing.

⁷Sike iwanambamu nae asiknga bitakaingu natane maitnae kusopuknga wam yakaing. Waaminda nataaingu sanga wai sikngata tasiwan mainanggenggak ngang nataaing.

⁸Waaminda anzing yakaing, “Sanga wai siknga tasiwan wai waapa gwa tapan maiu buyambam sikut. Waapa gatu dua enawik. Wena. Waapa akupik,” ngang yakaing.

⁹Sike na notna tapatu kaya. Waapaa natane notna siknga. Siwan waapa nanamu naat nakamak. Siwan ngana waapaaya kepina tangenake na nainggamunangge tasinggak.

¹⁰Siwan ngana Buyambam tapa, gata nae musip kwikwik natangamuke maitna sandekngamuyo. Sandekngamina nata yake waaminda ina tasikaing kaknga tasiwit.