SAM 3:1-6

¹Buyambam tapa, natane iwana kwaapzang singgak. Ngan. Aminu kwaapzangga na tasiwa maiwitde tasikaing.

²Tasike waaminda nae anzing nanikaing, “Asikaya Anututa ga gatangamik,” ngang yakaing.

³Siwan ngana, Anutu, ga tiunggu amakgane dakata binga dakngake na takusopunggayak. Gata na takusopuke tasiwi natane umana buyambam siwawan nata akekekake yuat.

⁴Siwan Anututa na gatangamikge ayatawanggat. Ita enane siknga tawanu inane dakane yuke nata wamu yanggau atnatangamunggak. Natangamuke na take gatangamunggak.

⁵Siwan zikaane na dapuna peke apepbotanggat. Pesika gatuna enake na take yuat. Dasingge, Anututa na kakuya katak siknga nanduyuak.

⁶Natane iwana 10,000-nu kepna kepna nanata umutnawakaing. Umutnawawa ngana nata ie dua gwaukgat.