SAM 38:5-19

⁵Sike wata natane gupmaatang nana kwaapzang siwan kapanga siknga sikaing. Nata gutonga siknga tasikum. Unzing sanga waaknga nae apbut.

⁶Sike musip maatangu meya buyambam siknga yuak. Siwan na apmainggat. Siwan tapdukbam butaya natake kwanam asinggan sikgat.

⁷Natane gupma toknga siknga katapda binga nasinggak. Siwan na maiu buyambam siknga mainggat.

⁸Nata asiknga tuyukake wai siknga yuat. Unzing sanga tapatuta na kekeknga siknga nutapaakusinggak binga. Siwan musipmaatang natapa wai siknga siwan nata tokngabam pake yanggamatanggat.

⁹Buyambam tapa, nata musip maatang kekeknga nataat taknga ga atnataayak. Natane musipma kwanamu kumzang sikgak. Sike wa sikgau gae kaikane kusopuknga dua.

¹⁰Sike natane wam nanang puya kekeknga siknga pasinggak. Siwan natane kekekngana kuupbam wena siknga singgak. Siwan natane kaina atzikaawan katak kananga dua singgak.

¹¹Siwan aminu notnabam nae wesim apnangge apbitakaing. Natane watana kanangge apbitakaing. Siwan natane dongaaya maa yuaing.

¹²Siwan aminu atnutapan kupitde nataaing aminda yapapna ba bungepna ngangu na tanggaganuwikge pandakngake peaing. Peke waaminda na tasiwan maiwitde wamu wai yakaing. Siwan asinggan nae waiaknga tasingamuningge nataaing.

¹³Sike na katum amin gena kusia apa binga yuke wam yakaingu dua nataat. Sike wam yananga dua singgak.

¹⁴Sike na aminu tapatu wamu dua yanggaak binga. Unzingge wamu yake dua yaninggat.

¹⁵Siwan ngana Buyambam tapa, na gae banip singgat. Buyambam tapa, ga natane Anutuna, tumuk wamu nata ganinggau gata natake gatangamuyo.

¹⁶Na tumuk wamu gae anzing ganikum. Gata natane wama dua kapewi wa tasining takngae baknganing. Ita mateknga pimamba gata waaminu dua kapewi yamandeu sike baknganing.

¹⁷Dasingge, na paa siknga pimanggat. Siwan na musipmaatangu toknga asinggan nataat.

¹⁸Nata gae gutongana yakapmanggat. Siwan nata waiaknga gwa tasikumde butaya nataat.

¹⁹Natane iwana kekekngana kaya aminu buyambam. Aminbamda nae musiptou yumdekan natangamukaing.