Sam 37:8-15

⁸Mu lopu puku hola nia sa binugoro, meke talotaṉa nia goi sa dia tinavete kaleadi sina kote va kamo nigo sa pa kinaleana.

⁹Ura sari na tie kaleadi si kaqu tava mate palae, ba arini pu kalavarae koe Zihova si kaqu tago hola ia rini sa popoa sapu poni ni Sa.

¹⁰Lopu sana kaqu tava murimuri palae sari na tie kaleadi, meke be hatai goi ba lopu kaqu ta dogoro pule.

¹¹Ba saripu va pepekae pule ni si kaqu tago hola ia rini sa popoa sapu poni ni e Zihova. Meke kaqu koa va learane sa dia kinoa.

¹²Sa tie kaleana si balabala ia sa siraṉa pude ṉoṉovalia sa tie toṉoto. Sipu doṉo la ia mo sa ba garata livona na ta ṉaziri nia sa.

¹³Ba hegere nia e Zihova sa tie kaleana, sina gilania Sa sapu lopu sana kaqu tava kilasa mo si asa koe Tamasa.

¹⁴Lobusu vagi rina tie va gugue sari na dia magu varipera, meke ṉavei rini sari na dia bokala pude va matei sari na tie malaṉa na habahualadi, meke va matei sarini pu toṉoto sari na dia tinavete.

¹⁵Kaqu tava mate pule pa dia magu varipera soti teledia si arini, meke kaqu ta moku va umumu sari na dia bokala.