Sam 37:1-7

¹(Keke kinera te Devita) Mu lopu va talotaṉa pule nigo pa tinoa leana tadi na tie kaleadi. Mu lopu okoro ni sari na tinoa tadi pu tavete va kaleana.

²Lopu seunae meke kote mate gua mo na duduli si arini, meke harahara gua rina hiqohiqo hitehite.

³Kalavarae koe Zihova, mamu tavete valeana, pude mu koa tava sare koasa popoa sapu ponigo Sa.

⁴Mu koa qetu nia se Zihova meke kaqu poni nigo Sa, gua sapu okoro nia sa bulomu.

⁵Mu ponia sa mua tinoa koe Zihova, mu kalavarae koa Sa, meke kaqu toka nigo Sa.

⁶Kaqu malara vura sa mua tinoṉoto guana kalalasana sa rimata pana korapa rane.

⁷Mu aqa va ṉoṉo pa kenuna e Zihova, mamu nabulu va ṉoṉo nia si Asa. Mu lopu okoro ni na va talotaṉa pule nigo pa binalabaladi ri pu koa ravutu pa dia tinoa, meke sarini pu vagi tinagotago koari na dia tinavete na hahanana sea.