SAM 36:1-6

¹Nata wamu takngatu wai aminda tasikaing kakngae musipmaatang nataat. Aminu unzing kapata Anutue kundusim paa dua gwaukgak. Wena siknga. Ita Anutue masa imunggak.

²Siwan aminu wa binga inae natapan kopsa siwan anzing nataak: Na aminu nomana siknga. Anututa waiaknga tasinggau dua kakapmake wam yawitde dua yawik.

³Asinggan siknga aminu waapa waiaknga tasinangge yayuuk aminu kundu kem wam yaninggak. Itane natdetdet naatangu noman taknga tasinanggengu wena.

⁴Sike tapdu apekgak komune waapa waiaknga tasinangge kepie natdekgak. Waapa kepi waiapakan tawanangge natanggamatanggak. Natanggamatake waiakngaenu masa dua imunggak.

⁵Buyambam tapa, gata butaya natanimunggayak kaknga mateknga dua. Waaknga buyambam siknga. Ngan, gata nin gatanimunangge yawi kekekakut taknga sandetnanga dua.

⁶Gata sanga noman nomana tasinggayak kaknga buyambam siknga. Waaknga enane siknga. Anututane tawan dakandaka binga. Sike ninda masande wam yanimde gata noman taknga tawambiakgane yapii ninda natdetnanga dua. Wa amandang siknga. Unzing yanggabam gwenu amandang siknga yuak binga. Buyambam tapa, gata aminkat gatu kaap zongkat ngang kakuya pasiwi take yuamang.