Sam 35:7-10

⁷Kxmule-esz' trpnzngr da kxtrka kx alebo badr, A' se tzatu-kapqng br scdr x tzekqng gq mz nzlolvz-krdr ninge.

⁸Mz drtwrnge mrlz nzpwrkilvc-krdr nzodatingr nidr, Mz nztao-mou-krdr mz br x trtxki kcng tzyrlqlr.

⁹Gct, mzli lcde sa na-abrtzlvzx nim, X drtwrnge elalzm mz nzarlapx-krm ninge.

¹⁰X mz nabznge atwrnrngr, sa narpix kx, “Trpnzngr kx apule nim. Murde arlapxq kxtrnzxplrung mz mq kxnzxplrng, X kxtrpnzngr scdr zmatq mz kxnzrngiscng zmatq.”