Text copied!
CopyCompare
Anututane Wam Kwikwiu Kayuk Kaknga Jesu Kraisda Takepbut Taknga Anin gatu Sam Kuupbam Lotutane Kap Taknga - SAM - SAM 35

SAM 35:2-18

Help us?
Click on verse(s) to share them!
2Gata amak taukgaat gatu tiunggukaat ngang pake apu gatangamuyo.
3Gatu sakutdaat sandundaat pake aminu na nawakaing aminkat amnong. Gata anzing naniyo, “Na ga gatanggamunggat tapanin,” ngang naniyo.
4Waaminda na atnutapan kupitde tasikaing. Siwan nata nataau gata amak gwekatang ayapbike pasiwi pimake maakanong. Waaminda na tasiwan maiwikge yandekaing. Gata yawake waaminu pasiwi asiknga datdaptanong.
5Buyambam tapa, gatane angelakata wai aminu yanikwasiwan andatakunong. Unzing got takngata zongatane dapandapa puyapan kukaing binga.
6Gatane angelakata ayawamban kunong. Yawamban kuwawa itane kepiapana tasiwan zikaa siwan saweknga siyok.
7Nata gutonga takngatu iatang dua tasikum. Siwan ngana ita yapapna na tasiwan maiwitde takusopukaing. Siwan gapma dakatu nata pimake pukuwitde kwaiking.
8Siwan tapduu gwendune dua nataawa apasiwan mainanga akngata papsok. Siwan yapapna na tapikge teking gwenu gata tasiwi ina papsok. Gatu gapma kwaiking dakaatang kaa ina pimake pukunong.
9Buyambam tapata unzing gatangaman kakengu musipmaatangu apbakngawit. Ngan, ita na tapan take yuat takngae natake nata musip gwaang natangamit.
10Natangamuke banip gwaang wamu anzing yawit, “Buyambam tapa, ga binga tapatu dua yuak. Siwan gata kekekngana wena aminu take siknga gatayamunggayak. Unzing tasiwi aminu kekekngana kayata waaminu dua pasiwan maining.”
11Sike kem aminda nae wai takngatu dua tasikum ngana kumzang temanggaganupa nanikaing.
12Sike natanu waaminde takeakngakan tasiyamunggat. Siwan ngana yake itanu waiaknga nae tasikaing. Unzing tasiwan kake musipmaatangu meya siknga nataat.
13Siwan ngana nata yake waaminde unzing dua tasinggat. Wena siknga. Tapduu gwenduine waaminu mait siwawa kake butaya siknga asinggan nataat. Natake butaya tauksan tamaggat. Butaya natake nanam tomda yuwa waakngata meya namunggak. Siwan nata tumuk wam yawa ngana gata dua gatayamukuyak.
14Dua gatayami kake nata waaminde butaya notnaapae ba paana ba uyapnae nataaing binga natayamunggat. Sike nata kepi sukuke aminu tapatuta mingae akupan butaya natake kwanam sikgak binga nataat. Nata musipmane meya siknga natake kwanam sikgak binga natayuat.
15Siwan ngana nata meya pakum tapduk gwekatangu waaminu unekan yuke apbakngaking. Na dua natawa waaminda unekan yuke nae uman yaitakepnangge yaking. Aminu kundu nata dua kaatda nae wamu atemapa yake yuatakaknga wena naniking.
16Sike waaminda masa wamu kumzang nanike nae meya namuking. Ngan, waaminda masa wam siknga nanike nae apbitake nomna zipbutnanga siking.
17Buyambam tapa, unzing tasiwa tapduu datdasing kapeya? Gata na tapi waaminda na dua tasiwan maiwit. Waaminu kaap zongu laionda kaapna yasiwan kupan nanggak binga tasike na nutapan kupitde tasikaing. Unzingge na gata ie kataune sandeke tapso.
18Gata unzing tasiwinu nata gae gaak kaknga dongu inata inata apu unekan yutningune yawit. Siakande siknga. Nata gatane umanda aknga aminbamde banakan yuke yatangenawit.

Read SAM 35SAM 35
Compare SAM 35:2-18SAM 35:2-18