Sam 34:3-18

³Nedik eburu ata tong asuusu i ri limixin do Leeme Silok i silok aleng. Nedik eburu axap ata emi asu mi laasen teren!

⁴Nia aga sing saparap Leeme Silok la ni ga ronga ia. Ga lox asepmus ia basinge levenanmarat axap tarak.

⁵Limixin baava diba ven tu ren la dinabak lek, la di noxo doma abulubun.

⁶Luvuttadi baava di toro ke ren, la ni ing tonga nedi, la ik lox asepmus di basinge laxanmumuat axap atnedi.

⁷Laangelo at leeme Silok ik lok tatao nedi dim taba asinorong i, la ik lox asepsu nedi basinge levenaniu.

⁸Nemi xa mina ven terek luvukat at Leeme Silok. Laradi ik soxolik ka loxokok at Leeme Silok, ni na sosoro.

⁹Nemi axap limixin teren, minam taba asinorong Leeme Silok. La nedi ding tonga res teren, di ruuna xobot kaka levempanga axap dik pakes tin.

¹⁰At lepenaleng lubunglaion dik toxo la dik pakes ti levempanga anan, ketla nedi ding tonga res at Leeme Silok kopmen dinak pakes ti levempanga avukat, atla Leeme Silok im taba amisik di.

¹¹Ude nimi, laxamdak loklox ase, la mina ronga rak, la ana anasa nimi kusu minaba raba asinorong Leeme Silok.

¹²Do nemi mi vara i xusu mina ruuna lorooro nunuan, la mi vara i xusu mina ven levenaleng avukat,

¹³mina ke xepe lavapaase kapmek, la mina axav i at laxaxarang.

¹⁴La nemi mina ke xepe laxakapmek la minak lok luvukat, la mina lolos ti lok ka lenmila keneng axap at lorooro axap atnimi.

¹⁵Atla Leeme Silok i reven tatao limixin manmanton la ing tonga res at levesingising atnedi.

¹⁶Ketla ik sok tixirixes kepe nedi dik lok laxakapmek, kusu dola dina met, limixin axap dinaba domampe soso mun nedi.

¹⁷Limixin manmanton di toro ke at Leeme Silok, la ni ing tonga res atnedi. Neni ik lox asepsu di basinge levenmumuat atnedi.

¹⁸Leeme Silok i gagas amisik ti lok tooro nedi dik lok tuntun, la i lox asepsu nedi ua lodoxoma abulubun i suxuna rinotno di.