Sam 26:5-8

⁵Hakohako hola ni rau sari na tie va sesea, meke va ilolo pule nau koarini si rau.

⁶Kei Zihova, ṉuzapi rau sari limaqu pude vata dogoro nia sapu lopu tavete va sea si rau. Meke kera vari likohae nia rau sa Mua hope pa vinahesimu Goi!

⁷Kera zama leana atu koa Goi si rau, meke tozi vura ni rau sari doduru Mua tinavete variva magasadi.

⁸Kei Zihova, qetu nia rau sa Mua Zelepade hope, vasina pu koa sa Mua ṉinedala.