Sam 25:13-20

¹³(Nun) Kaqu marevutu si arini doduru totoso, meke sari na tudia rina tudia si kaqu tagoa sa popoa pepeso.

¹⁴(Samek) E Zihova sina baere tadirini pu va tabea si Asa, meke vata dogoro nia Sa sa nana vinariva egoi nabuna koa rini.

¹⁵(Ain) Kalavarae si rau koe Zihova doduru totoso, meke va sare au Sa pa tinasuna.

¹⁶(Pe) Mu doṉo mae au, ba Zihova, Mamu tataru nau, sina loke tie si toka nau, meke koa pa tinasuna si rau.

¹⁷(Zade) Mu va maluarau koari doduru qua tinalotaṉa, Mamu harupau koari doduru qua tinasuna.

¹⁸(Qoph) Mu balabala ia sa qua tinasigiti, Mu taleosoni sari na qua sinea.

¹⁹(Resh) Mu doṉo la ia sa sinokudi rina qua kana; Mamu dogoria sa ṉiṉirana gua sa dia kinukiti koa rau.

²⁰(Shin) Toketoke hukata nau, Mamu harupau; kopu nau pude qu lopu tava kurekure si rau, sina koa Agoi mo si aqorae si rau.