Sam 17:4-14

⁴ngan leventaba vetpes di lox i. A mumu asu amisik levelinga ram, la kopmen ana mu asu langas at lemusak la leesep.

⁵At pas amisik at langas taram, la kovisi nia ana vas aase ren.

⁶O Moroa, a sing saparav u atla uk lox epovo levesingising tarak. Una xa roolong tia la una ronga levelinga rak.

⁷Una lox asuusu nom labalamu avukat taram la una lox asepsu ia. Nia at kis esogo minu la kopmen nia ana marat at limixin munepen minia.

⁸Una lok see rak ngan uk lok tatao luxatli ram. Una lipe ia at lamamau at luvapa ram,

⁹kusu limixin kapmek di noxo sev asi ia. Limixin munepen minia di tu kangkan ia kusu dina sev amer ia.

¹⁰Kopmen dina balamu leventaba vetpes. Dit las amisik di.

¹¹Nanga ding kan ia, at levengkot nia a tepukus taba ve, di mamat mu amisix ia kusu dina sev asubu ia.

¹²Di lok ngan lubunglaion, di kuxut tangais ia, di vara i xusu dina lais koxorop axakalik labantuxu rak.

¹³O Leeme Silok, ude u. Una esep tangarang limixin di munepen minia, la una sak tup midi. Una lox asepsu ia basinge limixin kapmek mi lavarise esep taram.

¹⁴O Leeme Silok, una lox asepsu ia mi lolos taram basinge nedi limixin at na lorooro di ruuna ka levempanga axap nedi xa di vara i. Una lox asongot di mi levesongsongot nu ga gagas li i ridi, teventaba bok ti laxamdak mi laxaalik atdi, la teventaba naba volo bok ti luvuttubuno avolo atdi.