SAM 17:10-15

¹⁰Waamindane musipna zikaa siwan aminu kundue take dua natayamukaing. Dua natayamuke nindane umaninu kopsa ngang natake yamandet wam yakaing.

¹¹Waaminda natane kepi tanga kake na nawake nanduke umupbasitnawakaing. Umupbasitnawake na kumzang nanduyake na tanggaganuke kepdakane yaitakepukaing.

¹²Waaminu kaap zongu laionda tomna natake kaapna zipnangge tasinggak binga. Ngan, waaminu laionda muna puke kusopuke kayuak binga.

¹³Buyambam tapa, gata apu natane iwanaat amake waaminu yaipakepso. Gata amakgane bainatda take waaminkat amake na wai amindane kataune sandeke tapso.

¹⁴Siakan, Buyambam tapa, gata na gikane kekekngakaneta gatangamuyo. Siwan na waaminda dua tasiwan maiwit. Sike waaminda sanga kepdakane nanakan papan dopan yuaing. Waamindane kekeknganane sandeke tapso. Siwan aminu gata musip gwaang natayamunggayak aminu tomna natapning, ngana gata gatayami tomna wena siwik. Tomna wena siwan waamindane waatdakanata sangae dua dapmake yutning. Dua dapmake yuke waakwakgane bapuna masan aatning aminu sangae dua dapmake yutning.

¹⁵Siwan gata na katak usanzike nandupi noman siwik. Noman siwan, nata gatane nomba masande asiknga gandupit. Ngan, tapduknga nata kungwake dapuna binga pesika gatuna enawit komune nata natapa ga naat gatake yuamak ngang natake na apbakngawit.