Sam 149:2-6

²Nemi leme Israel, minak lek mumu Laradi Runtudum Li atnemi. Nemi limixin me Saion mina momo mumu mo Loorong Silok atnemi!

³Mina tii momo ri emi asu mi laasen teren. Mina pasa levengkuvu eburu mi lempat taaleng ti emi asu min.

⁴Leeme Silok in tuuna ka lomomo mumu limixin teren. Im taba asinorong nedi ua dik lok atnaasan la im taba di mi lolos ti sak tup mi limixin munepen midi.

⁵Naba lox avukat do limixin at ne Moroa dina momo mi leepang silok atla diga sev asi nedi, la dinak pixan momo maraanu rinotno at lengkanimin axap.

⁶Naba lox avukat do dinap kup silok at loxonaleng dina emi asu mi ne Moroa, la dinam tebeng levenise esep sengsen atnedi,