Sam 147:12-18

¹²Mi vahesia se Zihova, ke gamu na tinoni pa Zerusalema, mi vahesia sa mia Tamasa, ke gamu kasa pa Zaione.

¹³Va ṉiṉira i Sa sari na rorotoana koari na mia sasada bara, meke mana ni Sa sari na mia tinoni.

¹⁴Kopu nia Sa sa volosona sa mia popoa, meke poni va deṉa ni gamu huiti leadi hola Sa.

¹⁵Zama si Asa koa sa popoa pepeso, meke lopu sana ta evaṉa gua saripu zama ni Sa.

¹⁶Taburu nia sinou Sa sa pepeso guana poko, guana kavuru pu paleki na givusu.

¹⁷Va gorea Sa sa ruku aesi, guana zalekoro, meke lopu boka ta koa sa ibuna sa.

¹⁸Sipu zama Sa si murimuri sa aesi, va hirua Sa sa givusu, ke totolo sa kolo.