Sam 145:18-21

¹⁸(Qoph) Koa tata si Asa koarini pu tepa la koa Sa, sarini pu tepa va hinokara la koa Sa.

¹⁹(Resh) Poni Sa gua sapu ta hivae koarini pu va lavatia si Asa. Avosi Sa sari na dia kinabo, meke harupi Sa sarini.

²⁰(Shin) Va aqori Sa sarini pu tataru nia si Asa, ba kaqu va mate pani Sa sari na tie kaleadi.

²¹(Tav) Kaqu zama vura nia rau pa ṉuzuqu sa vinahesina e Zihova. Madi va lavatia ri doduru kurukuru sa Pozapoza Madina sapu e Zihova ninae rane ka rane.