Sam 143:7-11

⁷Yawe, ayzlu-anim natqnge murde nabznge baonepe. Bzkq rlaszq ninge, murde ma tqbzx.

⁸A' pi-zvzm bange mz rngalx kang kqlu kx aodu-zvzq ninge, Murde abrtrpo drtwrnge bam. X mailz ninge mz lrpzki kx nao-zlix, Murde mnc-xgle-zvzx nim.

⁹Yawe, bzkq rlr-ngrbzme mz enqmi rngeng nzlolvz-krdr ninge, Murde nim me rlakitrx.

¹⁰Gct rnge, alvztrp bange nzale-krnge me pnz drtwrm. X rtwayzm bange mz zmrlz ngrm, murde namnc-zpwxx.

¹¹Yawe, arlapx ninge da kc tqwai nzpi-krmle murde ma tqbzx. X tum mz nibrnge mz nzkxpu-krngeng amrlx, murde tubq-esz'ngrn.