Sam 143:4-9

⁴Kuren la a gagas kusu ana raba xepe nga lorooro rak, atla lodoxoma abulubun na i suxuna rinotno nga ia.

⁵A doxoma su ap mo levenaleng gara oon pam. La a doma mo lempanga nenu ugara lok pam i, la mo leven gugu ram i vot manga at lodoxoma rak.

⁶A song aurut mi lukngak tu keneng at lisingising tarak. La labalak ik minu ru ngan ta loxongkangka vatmang.

⁷Leeme Silok, soso mun una ronga res tarak! Nia ara doma abulubun tino. Uguta lok alipe u basinge ia, lavanga ana emu buru minedi ua di si uto xopok at lemenemen at labarongan.

⁸Unak lox adoxoma ia at leven maxantamak axap mi mo labalamu lexen taram, atla lununu rak i tu saga ram. Leve singising tarak i uturut upana ru, kusu una lox ase ia mi langas nia anaba mumu asu i.

⁹Leeme Silok, a vot saparav u xusu unak lok see rak. La una vaxat asu ia basinge limixin munepen minia.