SAM 140:4-12

⁴Buyambam tapa, gata na kakuya katak tasiwinu wai amindane kekeknganata na napbitnanga dua. Ngan, gata na wamanapmambi aminu amak tasikaingga na tasiwan pimapitde yakaingu, nae sanga takngatu dua tasining.

⁵Sike yamandet aminu waakwakga na tanggaganutnangge natake yapapna pasike kusopuknga peaing. Ngan, yapapna wa ngwayoknga pasike yuaing. Siwan sanga bungep binga pasike kepiapane nae kaap zong binga umukusipa tasikaing.

⁶Buyambam tapa, nata anzing ganinggat, “Ga natane Anutuna. Nata wam yanggat takngae natake gatangamuyo,” ngang ganinggat.

⁷Buyambam tapa, natane Anutuna, gata na akekekake takuyak. Ngan, amak tapduk kopatangu gata na kakuya take siknga tasinggayak kapanin. Tasiwi gwapakngane nutnanga dua sikut.

⁸Buyambam tapa, gata ma kapewi sanga wai aminda tasinangge nataaingu tasiwam. Ngan, ita waiaknga tasinangge yandekingu ma siknga kapewi tasiwam. Sanga waaknga yamandet amin dakngakaing.

⁹Gata tasiwi aminu na nutnangge natake na umupbasikaingga wamu meya nae apik kakngae yakaingu inae apik.

¹⁰Ngan, gata kapewi aminu kunduta katap paimu pewa iangan engatangan pimaning. Ngan, kapewi aminu kunduta waakwau pake mumba katapatang pukuning. Ngan, gapma buyambam dakaatang pukuke gatu dua akopning.

¹¹Sike gata dua kapewi sapdut wamu aminu kunduta yakaingu siakanu siwik. Ngan, kapewi sanga waita amak tasiya aminu tawamba kake pasiwa maining.

¹²Buyambam tapata aminu sangana wena akgatayamuke tapduu wam yananga gwene tasiwan wamna noman siwik ngang nataat. Ngan, ita aminu sangae dapmakainggengu gatayaman aminu kunduta wamu yumdekan temapa yakingu take dua siwik.