Sam 136:1-12

¹Mi vahesia se Zihova, ura na leana si Asa, meke sa Nana tataru nabuna si koa hola ninae rane.

²Mi vahesia sa Tamasa tadi na tamasa, ura sa Nana tataru nabuna si koa hola ninae rane.

³Mi vahesia sa Baṉara tadi na baṉara, ura sa Nana tataru nabuna si koa hola ninae rane.

⁴Asa mo telena si taveti sari na tinavete variva magasadi, ura sa Nana tataru nabuna si koa hola ninae rane.

⁵Pa Nana tinumatumae si taveti Sa sari doduru tiṉitoṉa pa maṉauru, ura sa Nana tataru nabuna si koa hola ninae rane.

⁶Kuria Sa sa kasia popoa koasa kolo lamana ura sa Nana tataru nabuna si koa hola ninae rane.

⁷Taveti Sa sari na rimata na sidara, ura sa Nana tataru nabuna si koa hola ninae rane.

⁸Sa rimata si va kalalasia sa rane, ura sa Nana tataru nabuna si koa hola ninae rane.

⁹Sari na sidara na pinopino si va kalalasia sa boṉi, ura sa Nana tataru nabuna si koa hola ninae rane.

¹⁰Asa tugo sapu va matedi sari na tudia koreo kenudi ri pa Izipi, ura sa Nana tataru nabuna si koa hola ninae rane.

¹¹Turaṉa vura ni Sa pa Izipi sari na tie Izireli, ura sa Nana tataru nabuna si koa hola ninae rane.

¹²Koari na lima heheda Tanisa si qaqama lani sa pude harupi, ura sa Nana tataru nabuna si koa hola ninae rane.