SAM 135:15-19

¹⁵Sike katum aminda anutu pupukngana silwaat gatu gol katda pasiking. Aminu waakwakga anutu pupukngana katakngita tumuke pasipeking.

¹⁶Sike anutu pupuknga waakwau gena kaya, ngana wamu yananga dua. Siwan kaina kaya, siwan ngana sanga kananga dua.

¹⁷Siwan waakwau maaknga kaya, siwan ngana sanga natapnanga dua. Siwan nomna ganang yawan kopnanga dua.

¹⁸Aminu anutu pupuknga wa pasike peke baniu sanga wande sikaingu, anutu pupuknga waakwak binga daknganing.

¹⁹Ginu aminu Isrel nana, Buyambam tapatane umana yatangenatnong. Ginu Buyambam tapatane prisnan, Buyambam tapatane umana yatangenatnong.