85Kxnzglqpx-lzbqng nzekqng gq kx nangi trtxki rnge, Mz nzpxtxpx-krdr Loukxtr scm.
86Mailz ninge mz nzbrtikr drtwrnge Nzryrngrkxtrng amrlx. Murde trpnzngr badr nou nzatrkati-krdr ninge.
87Kxmule-esz' ycpwz pipz nzayrkrpx-krdr ninge, A' sc tqlolvz-amqngix nzalvztr-krmqng.
88Mevalu, arlapx ninge mz nzaodu-krm ninge. Murde nayrlq-angidrx natqm.
89Natqm tqyc, tqyc, X yc amqngi zvz Heven.
90Wz-ngrn nrlc x yc amqngi zvz. Delc tqbrti-zvzngr drtwr nim.
91Da amrlx mz nrlc nzvz-nqblqlr me pnz drtwrm, Murde nzwztrpzng bam.
92Trbz-ngrneu nzkxpu-krngeng, Murde Loukxtr scm okatrle ninge mz nzaelalz-krmle drtwrnge.
93X trtxpnzngr nzmrbrtrkr mz drtwrnge Nzryrngrkxtrng, Murde nzrpwa'-ngrmlr bange mz nzvz-rbrngr.
94Arlapx ninge, murde ninge doa nem, X abz-zvzx nzale-krnge nzalvztr-krmqng.
95Kxmule-esz' kxdrka'-ngrng nzyrlqlr br ngr nznibq-krdr ninge, A' na-aoti zvz drtwrnge nqmq krm.
Sam 119
Sam 119:85-95