Salomↄↄ lɛ 8:5-14

⁵Démɛ bↄ̀ gbáau, àlɛ mↄ́, àlɛ gbãa'e a yenzidewa keei? Nↄɛ Ma n vu mao lí gbáu, wekĩi n da n nↄsìu, wekĩi nↄwãwã mↄ̀uwà ↄ̃ à n i.

⁶Ma na n sↄ̃wa lán seelakɛbↄ pↄ́ wì da ń nↄɛ ge ń ↄwawa, asa yeagↄ̃ɛi ì mↄ́má lán gawaɛ, báasɛ̃pi pãsĩ lán mia'ɛwaɛ. Ì namá lán tɛ́waɛ, ì kṹmá lán tɛ́ sà zↄ̃ↄwaɛ.

⁷Baa ísi a fↄ̃ báasɛ̃ tɛdɛo, baa swada í a fↄ̃ daao. Tó gbɛ̃́ a bɛ àizɛɛↄ kpà píi báasɛ̃ lua yã́i, wa sakaaàgu búubuuɛ.

⁸Wá dãuna vĩ, i yↄ̃́ bↄbↄo. Kpelewa wá kɛ tó gbɛ̃e ye gɛ̃ aà yã́ui?

⁹Tó a dɛ bĩ́i ũɛ, wá gulɛsĩↄ bowà ń ã́nusuoɛ. Tó a dɛ bĩ́ibↄlɛ ũɛ, wá káka ń sɛdɛ líoɛ.

¹⁰Bĩ́in ma ũ, ma yↄ̃́ mɛ́ a gulɛsĩↄ ũ, ↄ̃ má dɛ ma yenzideɛ gbɛ̃́ pↄ́ ì aafia iɛ̀ ũ.

¹¹Salomↄↄ vɛ̃ɛbu vĩ Baalamↄ, à búpi nà gbɛ̀winaↄnɛ ń ↄzĩ. An baade líↄ fĩabo ã́nusu ↄwatɛ̃ ↄ̀aasↄsↄo.

¹²Salomↄↄ, má azĩa vɛ̃ɛbu vĩɛ, má ã́nusu ↄwatɛ̃ ↄ̀aa sↄo kpama, mí a ↄ̀aa do kpa vɛ̃ɛbu zĩkɛnaↄwa.

¹³N gbɛ̃́ pↄ́ niↄ ku kaaↄ guu, wì swãdↄnzi, to mà n lↄↄ ma.

¹⁴Ma yenzide, mↄ kpakpa, ní kɛ lá tue ge bùasan bↄlↄna ì kɛ sĩ̀sĩ pↄgĩnadeↄ musuwa.