Salomↄↄ lɛ 7:2-12

²Kía bui nↄɛ, n gbála maa n kyaleu, n gbala ú dɛ bũunnↄ, a dɛ lán gↄ̃ide ↄzĩwaɛ.

³Kɛɛona pↄ́ vɛ̃ɛli láa a guuo ku we, pↄ́wɛn zɛ pↄ́ sũmaavuↄ liaai ku we.

⁴N yↄ̃́ dɛ lán bua nɛ́ mɛ̀n plaↄwa, lán tue nɛ́ sìaↄwa.

⁵N nↄɛ dɛ lán kalanga pↄ́ wa bò ń wesa swaaowa. N wɛ́ dɛ lán Ɛsɛbↄ̃ íkalɛkĩi pↄ́ kú Balabiũ bĩ́ibↄlɛ saɛwa. N ní dɛ lán Libã bùsu kalanga pↄ́ bↄaa ń Damasiowa.

⁶N mi maa lán Kaamɛli gbɛ̀sĩsĩwa. N mikã dɛ lán zwã̀a gàaluladewa, a dɛ plɛ̀ɛɛ, ì ma laai sia.

⁷Ń kɛfɛũ fá, ni kamagu, wá yeakↄ̃i gɛ̃agɛ̃̀.

⁸N zɛa maa lán daminaliwa, n yↄ̃́ dɛ lá a kↄ́wa.

⁹Ma mɛ̀ má dɛdɛ lípiwa, mí a bɛ kṹ. N yↄ̃́ dɛmɛɛ lán vɛ̃ɛ kↄ́wa, n lɛ́'ĩana dɛ lán mao gĩwa.

¹⁰N lɛ́'i na lán vɛ̃ɛ pↄ́ a na dɛńlawa. Nↄɛ Vɛ̃ɛpi lɛ́ gɛ̃ ma yenzide lɛ́u sàaa, àlɛ táa'o aà lɛ́baa ń aà swaaowa yↄlↄlↄ.

¹¹Má dɛ ma yenzide pↄ́ ũ, ma ni kuwà.

¹²Ma yenzide, mↄ wà gɛ́ sɛ̃u, wí gɛ́ ii zↄ̃ɛwiaↄu.