Salomↄↄ lɛ 5:4-14

⁴Ma yenzide ↄgɛ̃̀ gbà fòou, ↄ̃ ma mɛ lɛ́ kɛ fèfe.

⁵Ma fɛlɛ gɛ gbawɛ̃i ma yenzideɛ, ma ↄ lɛ́ yↄyↄ ń zↄ̃go lí'ↄ tulaleo, zↄ̃go lípi nísi lɛ́ bàalɛ ma ↄnɛↄwa, à fĩ̀ gbatabↄwa.

⁶Ma gbawɛ̃̀ ma yenzideɛ, ãma à gɛ̃̀zɛa à tà kↄ̀. Kɛ́ àlɛ yã'o, aà ni ma kũ. Ma aà wɛ̀ɛlɛ, mi aà eo, ma lɛzùzuaàzi, i weao.

⁷Gudↄ̃anaↄ bↄ̀a, kɛ́ aalɛ bɛbɛ wɛ̃́lɛ guu. Aa ma gbɛ̃ aa ma wiwi, bĩ́idↄ̃anapiↄ ma pↄlↄgãu wòlomala.

⁸Yelusalɛũ nɛnↄnaↄ, tó a ma yenzide è, á oɛ̀ kpelewa ni? Ma naɛ́ Luazi à oɛ̀mɛɛ, ma yeaaàzi ma mɛ bùsa.

⁹Bↄ́ n yenzide dɛò dãↄlai? N gbɛ̃́ pↄ́ ń kɛfɛũ dɛ nↄɛↄla píi, bↄ́ n yenzide dɛò dãↄla ↄ̃ n gbasa n nawɛ̃ɛ Luazi màai?

¹⁰Ma yenzide tɛ̃a pípia, gbɛ̃ↄn ↄ̀aasↄsↄo lɛɛ kwiↄ guu ↄ̃mɛ vua ũ.

¹¹Aà miá vua tɛ̃ɛtɛ̃ɛɛ, aà mikã dɛ sí plɛ̀ɛɛ lán gbagbaa kã́wa.

¹²Aà wɛ́ dɛ lán felen pɛ́lɛa íuwa, aà wɛ́pi pípia ń vĩo, mɛ́ a sàlala.

¹³Aà gɛɛ dɛ lán pↄ́ gĩnanaↄ buawa, a gĩdↄ nanannↄ. Aà lɛ́baa dɛ lán lávuwa, àlɛ yↄyↄ ń zↄ̃go lí nísio.

¹⁴Aà ↄ dɛ lán vua lipↄ̃ↄↄ pↄ́ diamaa dadauwa, aà gbɛɛ dɛ lán wesa swaa yↄↄa pↄ́ wà safii gbɛ pɛ̀pɛwawa.