Salomↄↄ lɛ 2:1-15

¹Má dɛ lán Salↄna nàalɛvuwa, lán guzulɛ sũmaavuwa.

²Lá lávu kɛfɛna dɛ lɛↄ guu, màa ma gbɛ̃na dɛ wɛ̃́ndiaↄ guu.

³Lá mao lí dɛ líkpɛu, màa ma yenzide dɛ ɛ̀waasoↄ guu. Zↄ̃lɛa a uenai ì kamagu, a bɛ blea ì kɛmɛɛ na.

⁴À gɛ̃̀manↄ a pↄnablɛblekpɛu, aà dàlapoo pooamala báasɛ̃ ũ.

⁵À vɛ̃ɛbɛ gii kpaa kɛ́ mà yɛ̃̀ɛɛ e, à ma gba mao kɛ́ ma mɛ su, asa aà báasɛ̃ lɛ́ ma gyãkɛɛ.

⁶Aà ↄzɛɛ ku ma mi zíɛ, aà ↄplaa liaamazi.

⁷Yelusalɛũ nɛnↄnaↄ, ma naɛ́ tueↄ ń zↄ̃́tɛ̃naↄzi, ásu dúsakũkpawɛ̃ɛo, ásu wá báasɛ̃ gbooo e a lɛ́ ká.

⁸Ma yenzide kĩ́i ma, àlɛ mↄ́, à vĩ̀ lɛ́ pɛ́lɛpɛlɛ gbɛ̀sĩsĩↄwa, àlɛ bàalɛ sĩ̀sĩ musu, àlɛ vĩvĩ.

⁹Ma yenzide dɛmɛɛ lán tue ge bùasanawa. À aà gwa zɛ wá kpɛ́ kpɛ. Àlɛ wɛ́kpalɛ fɛnɛntiu, àlɛ gugwagwa a mↄↄ zãnguo.

¹⁰Ma yenzide yã'òmɛɛ à mɛ̀: Kía Ma gbɛ̃na kɛfɛna, fɛlɛ wà gɛ́,

¹¹asa lou làa, buziɛ gɛ̃̀zɛa.

¹²Pↄ́pii lɛ́ vukɛ tↄↄlɛwa, lɛsigↄↄ kà, felenkↄpunaↄ ↄ́ lìgua wá bùsuu.

¹³Kaadↄɛnliↄ nɛ́ sɛ̃́ia dàalɛ, vɛ̃ɛliↄ vukɛ̀, a gĩ lòo. Ma gbɛ̃na kɛfɛna, fɛlɛ wà gɛ́.

¹⁴Ma felena, ń pɛ gbɛ̀sↄↄu n ulɛkĩi. To ma n wɛgwa, to ma n lↄↄ ma, asa n lↄↄ na, mɛ́ n oa kɛfɛũ kɛ̀ zài.

¹⁵À gbɛ̃gbonaↄ kṹkũwɛ̃ɛ, gbɛ̃gbon kelepiↄ, aalɛ wá vɛ̃ɛbuↄ ásookɛɛ, wá vɛ̃ɛ pↄ́ lɛ́ vukɛpiↄ.