Salmos 97:1-10

¹Naca Xránadxu Benne' Wenná Bea. Le be, le'e zrale xe̱zr la xu. Le be, le'e zrale dxu'a nísadu ca'.

²Zaj naxechaj beuj, ne da chul-la Le̱'. Ca naca da li, ne da xrlátaje dxenná be'e̱.

³Cuía lau xi' lau Le̱', ne guzezxe na benne' guledábague̱' Le̱'.

⁴Ca naca xesa ca' chee̱' bulusení na xe̱zr la xu. Dxelé'e xe̱zr la xu na, ne dxezrize na.

⁵Dxelexuna xi'a ca' ca da zixre chee̱ bézudau' lau Xránadxu, lau Xrana bénneache zaj zre̱'e̱ du gabí'i xe̱zr la xu.

⁶Dxulé'e xabáa ca naca da xrlátaje chee̱', na' dxelelé'e bénneache dute̱ xe̱zr la xu ca naca xel-la' szren chee̱'.

⁷Dxal-la' xelexedué'e xúgute̱ benne' ca' dxulucá'ana szrene̱' bedáu' xiaj xaga ca', benne' ca' dxulucá'ana szren cuine̱' ca zaj naca bedáu' xiaj xaga ca'. Xúgute̱ dios chee̱ bénneache ca' dxal-la' xuluzú zribe na lau Xránadxu Dios.

⁸Belén benne' zaj zre̱'e̱ Sión, na' gulebene̱'. Gulebé benne' zaj zre̱'e̱ Judá, ne̱ chee̱ da guchi'u Lue', Xran.

⁹Szrente̱ nacu' Lue', Xran, lawe' dute̱ xe̱zr la xu. Szrendxa nacu' Lue' ca xúgute̱ dios chee̱ bénneache.

¹⁰Le'e, núlale nazrí'ile Xránadxu, le cuide da cale̱la. Le̱' dxuxúe̱' bénne'du zaj xu'e̱ bénneache chee̱'. Dxuselé̱' le̱' lu na' benne' dxelebéaj xíchaje̱' Dios.