SALMOS 96:7-11

⁷Nochi intlacame tlen nochi tlaltepactli, xitepohuilica para san TOTECO quipiya chicahualistli huan san yajaya hueyi.

⁸Xijtlepanitaca TOTECO queja quinamiqui. Xijhualiquilica tlacajcahualistli huan xiyaca itiopan calixpa.

⁹Xihualaca huan xijhueyichihuaca TOTECO. Quena, xijhueyichihuaca ica se imoyolis tlen yejyectzi huan tlatzejtzeloltic. Huan nochi tlaltepactli ma huihuipica iixtla.

¹⁰Xiquinpohuilica nochi tlaltini para Toteco tlanahuatía. Tlaltepactli quitlalijtoc cuali huan ax quema mijcuenis campa quitlatzquiltijtoc. Huan Toteco Dios xitlahuac quintlajtolsencahuas nochi altepetini.

¹¹¡Ma paqui elhuicactli huan nochi tlaltepactli! ¡Nochi huejhueyi atl ma mocoxonica iixtla Toteco ica paquilistli!