SALMOS 96:2-10

²Le goḻ che X̱anžon', na' le wká'n ẕen La la'y chie'. Tža tža le wzenle benách ka' kan žeslé' žo'o.

³Le wzenle benne' zi'to' ka' ka nak yeḻa' ẕen chie', na' benne' yógo'te yež ka' kan nak da' ẕen da' bene'.

⁴Ẕente nak X̱anžon', na' žaḻa' wká'n ẕénḻe'ežo-ne'. Žaḻa' gapžo Ḻe' ba la'ne, na' kege dios ka' chegak benách ka'.

⁵Zej nakze yógo'te dios ka' lo'a ka', san X̱anžo Dios bene' ya'abá na'le.

⁶Nape' Ḻe' yeḻa' wak, na' yeḻa' wnná bia'. Nža' yodo' chie' yeḻa' ẕen, na' yeḻa' x̱tan.

⁷Le wká'n ẕen X̱anžon', ḻe'e zoale dot yežlyó nga. Le wká'n ẕen yeḻa' ẕen chien', na' yeḻa' wak chien'.

⁸Le gape ba la'ne X̱anžon' kan žaḻa' gonžo. Le yedjwá' da' wnéẕjwle na' le cho'o yodo' x̱tan chie'.

⁹Le wká'n ẕen X̱anžon' dan' nake' la'y, na' x̱tanḻe'e. Le žebe ḻawe' Ḻe', ḻe'e zoale dot yežlyó nga.

¹⁰Le ye' yež ka': “Nak X̱anžon' Benne' Wnná Bia' Ẕen. Bzoa choche' yežlyó nga, na' bi gak no benne' wtén'. Wchi'a ḻaže'e benne' ka' ḻo da' naken chawe'.”