Salmos 96:1-10

¹Apareetsich yaseengints. Tputs ztaru yaseesshish kaneeschee Apanllee yaseengints.

²Apareetsich yaseeyani. Taarashipanee, shiy kizpurtishcha, táyani. Putam, putam, tputsee kamankus, Apanll iyaam tapachndampaneem taakiya, tángtsa.

³Tputsee ztaru Apanllee kamaningtsa; Apanll tsinsampancha. Wamari kasiru, ¿waninll wizpurpat iyaa istakuwa? tángints.

⁴Watam Apanll uwamari kizpur kurakawa. Ashiriya, uru ungirtakuch yasimaam kizpurcha wanasiri. Apanllputsee ichinguru uwamari kasiriya.

⁵Minshuch tputs apanllputsirini wizpur nda pakchiyam taariya. Itaru, Apanllsha kizpureeru kanindaa tinarangiya.

⁶Shiy Apaa, kizpur wanasirtishcha. Pangish kurakurtaru anush, 'sinish kizpur taaksha.

⁷Ashiri siysa ichingarus tputsis, maachiritpatawis Apanllee ungirtangints. Apaa, wappari wizpuririmandish. Shiyamari urutamari kasiksha, tángints.

⁸Sheerus, pangup naakchus, maacheetsi, yuwaa waana kamachtarangu anoo yáyarus, ungirtangints.

⁹Apanll pang' kizpurcha wanasiri. Ashiri anushsha ungirtangints. Tputsis ichingarus, Nuw shiyaa kurakartana, Apanllee tángtsa.

¹⁰Apanll uwamari kizpur kurakcha, kamankus tángtsa. Tsapurunasee tinayaru, wayarangu, na anootsiri taakiya. Nda shpukiya. Amb ashirangu, tputsee ichingaru tatsamooru chinaku taakiya.