Salmos 94:7-23

⁷Paycunaga nin: «Jacob rispitashan Diosga manami cuentata gocunchu. Manami ricamanchïpischu.»

⁸Mana tantiyacoj upa runacuna, ¿imanirtaj mana tantiyacunquichu? ¿Imaytaj tantiyacunquicuna?

⁹Tayta Diosmi rurasha ñawinchïta rinrinchïtapis. Chauraga ¿imanirtaj mana wiyanmanchu, mana ricanmanchu?

¹⁰Nasyuncunacho tiyajcunatapis alli rurananpaj piñacuycarga mana wiyacojcunataga ¿manachuraj castiganga? ¿Imanirtaj mana musyanmanchu runatapis yachacunanpaj tantiyachëga?

¹¹Tayta Diosga musyanmi runa manacajcunallata yarpashancunata.

¹²Tayta Dios, cushishami cawanga imano cawananpäpis piñacushayqui runaga. Cushishami cawanga Layniquita yachachishayqui runaga.

¹³Chay runaga manami imatapis gocongachu fiyupa mana allicuna chayaptinpis. Fiyucunami ichanga sepultüraman chayanga.

¹⁴Tayta Diosga manami cachaycongachu acrashan runacunata. Sirbejnincunata japallantaga manami cachaycongachu.

¹⁵Ushanantaga Tayta Dios munashannönami llapantapis arriglanga. Alli runacunapis «chayno allimi» nenga.

¹⁶¿Pillaraj shamonga mana alli runacunapitawan fiyucunapita washämänanpaj?

¹⁷Tayta Dios mana yanapämaptenga maynami wañur chunyaraycäman caran.

¹⁸Juc cutichömi gamta ruwacurä: «Chaquïcuna llushcacaycannami» nir. Chauraga cuyacoj cashpayquimi yanapämarayqui.

¹⁹Fiyupa ima-aycapitapis yarpachacur llaquicuycho caycaptëmi gamga shacyächimashpayqui cushicachimanqui.

²⁰Mana alli arriglaj juezcunapa amïgonga ama canquimanchu. Paycunaga mana allimi arriglan. Laynincunacho niycashanwanmi runacunata ñacachin.

²¹Paycunaga alli runacunapa contranmi parlacun. Juchan mana caycaptinmi wañuchinanpaj aunin.

²²Chayno caycaptinpis Tayta Diosmi nogacunapa pacacunä. Diosllami caycan imapitapis chapämaj gagaga.

²³Fiyucunataga Tayta Diosmi castiganga mana allita rurashanpita. Tayta Diosninchïmi illgarachenga.