SALMOS 94:10-12

¹⁰Yaya quintatzacuiltía masehualme ipan nochi talme, ¿anmoilhuíaj amo amechtatzacuiltis nojquiya? Yaya quimati nochi cati pano, huan ¿anmoilhuíaj amo quimati taya anquichihuaj?

¹¹TOTECO quiixmati inintalnamiquilis masehualme huan quimati para san moilhuíaj tamanti cati amo cuali.

¹²Pero cuali ininpanti nopa masehualme cati ta, TOTECO, tiquintatzacuiltía para tiquintalnamictis. Ya nopa quinpalehuía para quitoquilise moojhui, huan para monejnemiltise xitahuac ipan motanahuatilhua.