SALMOS 92:9-15

⁹Xiquita nica itztoque mocualancaitacahua pero nojquiya nica tiquintzontlamiltis. Quena, TOTECO, nochi tlacame tlen quichihuaj tlen ax cuali, ta tiquinenpolos.

¹⁰Pero tinechmacas na chicahualistli queja se toro tlen nemi cuatitla. Huan sampa tinechaltis ica moaceite tlen temaca yancuic chicahualistli.

¹¹Niquitas quejatza tiquintzontlamiltis nocualancaitacahua. Huan nijcaquis quejatza quintzontlamiltise nopa tlaixpanoca tlacame tlen motlanantoque ica na.

¹²Pero tlen itztoque xitlahuaque iixtla Toteco quipiyase chicahualistli. Inijuanti yejyectzitzi queja ixochiyo apach cuahuitl. Mohueyichihuase queja nopa tiocuatini tlen onca ipan tlali Líbano.

¹³Tlacame tlen cuajcualme quipiyase chicahualistli queja cuatini tlen quintoctoque ipan ichaj TOTECO, huan Toteco Dios yajaya quinmocuitlahuis.

¹⁴Huan quema nopa cuajcualme huehuejtiyase, noja quipiyase fuerza. Itztose queja cuatini tlen temacase inintlajca, huan nochipa xoxohuixtose.

¹⁵Huan ya nopa quinextis para TOTECO tlen nechmocuitlahuía quichihua tlen melahuac. Nochipa yajaya xitlahuac tetlajtolsencahua.