Salmos 92:1-15

¹Chawe' naca dxue lá'anantu' Lue', Xrana' Dios, ne gúl-lantu' da dxucá'ana szren na Lue', Dios szrente̱.

²Chawe' naca dxuzénentu' bénneache tu zra tu zra ca dxexache lazru' netu', na' dxe̱la dxulé'entu' nacu' li lazre'.

³Dxúl-lantu' da caní, dxínnentu' da dxúl-lale̱ntu' da ze̱ chi du chee̱ na, ne dxínnentu' da con zríadi'i na du da dxenné̱le̱'e̱ xrtandau'.

⁴Xrana' Dios, ne̱ chee̱ da dxunu' Lue', dxunu' dxebéle̱'e̱da'. Ca zaj naca da nun na'u zua' lu da ba neza.

⁵Da zrente̱ zaj naca da nunu', Xrana' Dios. Da zrénle̱'e̱ zaj naca da dxugú'u lazru' gunu'.

⁶Québequeze neze benne' lázxdau zide', ne quebe dxéajni'i benne' xala ca naca da nigá.

⁷Gate dxelegula benne' dxelebéaj xíchaje̱' Dios ca dxegula xixre', ne dxe̱pe ban da dxelún benne' we̱n da zrinnaj, naca na chee̱ xelebía xi'e̱ tu chí'izqueze.

⁸Lue', Xrana' Dios, tu nácazquezu' Dios szrente̱.

⁹Dxunna bea na ca gaca chee̱ benne' dxedábague̱' Lue', Xrana' Dios. Dxunna bea na xelebía xi' benne' ca' dxeledábague̱' Lue'. Xelase dinnaj xúgute̱ benne' ca' dxelune̱' da zrinnaj.

¹⁰Lue' dxunu' dxezrendxa xel-la' wal-la chia' ca naca xel-la' wal-la chee̱ be̱zre. Dxugú'u da za xíchaja' da dxutipa na lazra'.

¹¹Dxal-la' le'eda' xelezrá' zran ni'a benne' dxeledábague̱' neda', na' xenda' xelebezre xache' benne' ca' guledíl-lale̱ne̱' neda', benne' ca' dxelune̱' da cale̱la.

¹²Welexán benne' xrlátaje ca' ca dxun xaga zina'. Xelegule̱' ca dxun xaga cedro lu xi'a Líbano.

¹³Zaj naque̱' ca tu xaga ze̱ na lu xudau' chee̱ Xránadxu Dios, da dxegúlale̱'e̱ na lu chale'aj chee̱ xu'u lizre Dios chee̱dxu.

¹⁴Zaj naque̱' ca xaga ca' dxelebía da zixre chee̱ na gate ba zaj nagula na, ne zaj naca na xaga xa'a wal-la.

¹⁵Benne' caní xuluzenne̱' bénneache naca li lazre' Xrana' Dios, Bénnea' dxuzé̱ chúchue̱' neda', ne quebe bi zúale̱ Le̱' da quebe naca xrlátaje.