SALMOS 90:1-11

¹X̱anto' Dios, to chi'ize nakkzo' Le' to gan že' cháwe'to'.

²Ža ni'te kate' bi na' gono' ya'a ẕen ka', na' bi na' soa yežlyó nga, ža ni'te, na' zejte ža se ḻawte ža nakkzo' Le' Dios.

³Žono' ga žeyakgak benne' ka' da' gókgake', kate' ži'o ḻégake': “Le yeyák bix̱te yo.”

⁴Chio' Le' to mil yiz zej naken ka neje, žan' da' ba wdén, na' ka to chí'ido'ze gachje yele.

⁵Ka' gaze ẕkwaso' benne' ka' ka žon to nis wbá'a. Zej nake' ka to bichgale dan' ẕnnitlen kate' žebanžo.

⁶Zej nake' ka to yeje yix̱e' da' žaljen zildo', na' kate' ẕḻa' wbíž, na' ẕbižen.

⁷Ẕbia yi'to' dan' ẕžo'o neto'. Že' zedlto' dan' ẕžá'ḻi'o neto'.

⁸Ẕḻe'elo' yógo'te da' bi nak chawe' da' žonto'. Ẕḻoe'elo' ḻaw ẕia da' nbága'to'.

⁹Ẕzacho'o yiz cheto' dan' ẕžo'o neto'. Žeyožgak yiz cheto' ka to be' da' ẕka'to'.

¹⁰Ka zej nak ža zoato' nbanto', zej nakzen chonnlalj chi yiz, na' cha' nakto' benne' waḻe, wak soato' nbanto' taplalj yiz, san ka zej nak yiz ka', ẕzáka'to', na' že' zedlto'. Ka' gaze ẕdegak yiz ka', na' ẕnitlto'.

¹¹¿Noẕ benne' nnezle' binlo ka nak yeḻa' ẕža'a chio'? ¿Noẕ benne' nnezle' ka nak yeḻa' yichj ža'a chio'?