Text copied!
CopyCompare
Itlajtol toteco: Santa Biblia - SALMOS - SALMOS 89

SALMOS 89:40-48

Help us?
Click on verse(s) to share them!
40Tijcahuili tocualancaitacahua ma quihuelonica nopa tepamitl tlen yahualtic quitzacuayaya toaltepe. Huan quintlamixolejque nopa caltini tlen huejcapantique campa timomanahuiyayaj.
41Nochi tlen panoj nopano quiixtequij tlen inijuanti quinequij. Huan nopa tlacame tlen itztoque tonechca san techhuetzquilíaj.
42Tiquinfuerzajmacatoc tocualancaitacahua, huan tiquinchijtoc ma paquica pampa techtlantoque.
43Tijquixtili itlatequiyo tomachete tlen ica titlatehuiyayaj, huan ax tijnejqui techpalehuis para ma titlatlanica.
44Tinechquixtili noyejyejca huan tijmajcajtoc hasta tlalchi notlanahuatilis.
45Tinechchihuilijtoc ma nitlalochhuehuentiya huan tinechpinahualtijtoc iniixpa nochi tlacame.
46TOTECO, ¿hasta quema tlamis ticualantos? ¿Hasta quema noja timotlatijtos tlen tojuanti? ¿Huelis para nochipa mohueyi cualancayo eltos queja tlitl?
47¡Toteco, xiquilnamiqui para toyolis ax huejcahuas ipan ni tlaltepactli! ¿Huelis ax tleno ipati nopa yolistli tlen tiquinmacatoc nochi tlacame?
48Niyon se tlacatl ax huelis itztos para nochipa. ¡Nochi miquise! ¿Ajqueya huelis quimanahuis iyolis imaco miquistli?

Read SALMOS 89SALMOS 89
Compare SALMOS 89:40-48SALMOS 89:40-48