Salmos 89:32-41

³²castigashaj gueruwan wiruypapis mana wiyacamashanpita, mana allicunata rurashanpita.

³³Chaypis Davidtaga mana cachariypami cuyaycäshaj. Paypaj imata aunishätapis manami cutiricushächu.

³⁴Paywan parlacushätaga manami rucachishächu. Palabrätaga cumlishämi.

³⁵Davidtaga aunishcä jutëcho jurarmi. Paytaga manami llullapäshächu.

³⁶Paypita mirar aywajcunaga imaypis mandaycangami. Inti caycashancamaga mandaycangami.

³⁷Mandaj cashanga canga quillano. Mana illgaypami mandaycanga syëlu manaraj ushacashanyäga.» Selah

³⁸Chayno aunisha caycashpayquipis manacajmanmi churashcanqui acrashayqui raytaga. Paypäga fiyupami rabyacurcushcanqui.

³⁹Umancho caycaj corönantapis pampamanmi jitarishcanqui. Sirbishojniquiwan alli parlacushayquitapis manami cumlishcanquichu.

⁴⁰Siudänincunapa curralnincunatapis gashargärishcanquimi.

⁴¹Pï-maypis chaypa päsajcunaga munashantami suwapan. Läduncho tiyajcunapis asipan.