SALMOS 88:2-5

²Xinechtlacaquili quema nimomaijtohua huan quema nimitztzajtzilía,

³pampa nijmati nisiyajtoc ica nochi tlen ax cuali hasta nijmati ya nechca eltoc para nimiquis.

⁴Miyac quiijtohuaj para ya tlantinemi noyolis huan para ayoc nijpiya chicahualistli.

⁵Tlacame nechtlahuelcajtoque para ma nimiqui. Niitztoc queja se tlen ya mijqui ipan tlatehuijcayotl huan nochi quiilcahuaj intla itztoya. Huan eltoc queja ta tinechilcajqui huan ayoc tinechmocuitlahuía.