3Tayta Dios, imay örapis gamtami mañacaycämö. Cuyapaycamay ari.
4Tayta Dios, gamtami mañacaycämö. Gamta sirbiycaptëga cushicaycachimay ari.
5Tayta Dios, gamga canqui allimi, imapitapis perdunajmi. Amatarmi cuyanqui gamman mañacamojcunataga.
6Tayta Dios, mañacamushätaga wiyaycuy. Ruwacamushätapis wiyaycamay.
7Llaquicushä öra gamta mañacamö imaypis yanapämaptiquimi.
8Tayta Dios, manami gamnöga canchu. Gam rurashayquitano ruräga manami pipis canchu.