Salmos 81:7-15

⁷Fiyupa llaquicur mañacamaptiquimi nogaga salbarä. Pucutay rurincho räyuycajpitami gamcunataga willapämurä. Imano yäracaycämashayquitapis Meriba yacu ñaupanchömi gamcunataga musyaparä. Selah

⁸Acrashä runacuna, willapashäta sumaj wiyacuy. ¡Israel runacuna, alliraj canman wiyacamaptiquega!

⁹Juc-läcunapa diosnintaga ama charaychu. Juc dioscunataga ama aduraychu.

¹⁰Nogami Egipto nasyunpita jorgamoj Tayta Diosniqui cä. Nogami imapis pishëpacushayquitaga puchu-puchu tarichishayqui.

¹¹«Ichanga acrashä runacuna caycar manami wiyacamashcanquichu. Israelcuna manami wiyacamashcanquichu.

¹²Chaypitami cachaycushcä munashayquino cawacunayquipaj. Chaymi munashayquinöna goyäcushcanqui.

¹³Acrashä runacuna wiyacamar willapashäcunata cumliptenga

¹⁴juc guepishtaynöllami chiquejnincunataga manacajman churarëman caran. Maynami castigäman caran contrancunataga.

¹⁵Tayta Diosta chiquejcunaga mancharishami rispitanman caran. Ichanga para-simrimi castigasha canman caran.