Salmos 81:7-10

⁷Lu da ba xa' da guzúale, bláwizrale neda', na' bselá' le'e. Beche̱ba' chee̱le naga nagacha' lu beuj bza gate na' gunné̱le̱'e̱ guziu', na' bxua' ájala gunle naga zaj de̱ beaj nisa zaj nazí le Meriba.

⁸Le xene, bénneache chia', na' gusízreda' le'e. Le'e, benne' Israel, che dxaca lázrele sile da dxennía',

⁹quebe gápale tu dios chee̱ benne' xula, ne quebe guzú zríbele lau tu dios chee̱ benne' zitu'.

¹⁰Neda', Xránale, naca' Dios chee̱le. Bebéaja' le'e lu xe̱zr la xu Egipto. Le salaj dxú'ale, na' gunna' da gágule.