SALMOS 81:1-7

¹Ḻen yeḻa' žebele le goḻ che Dios, Bennen' žon choche' žo'o. Ḻo yeḻa' ba nez chele le kwéžeya'a ḻaw Dios chegak ẕa'só Jakob.

²Le goḻ, na' le kapa' yiddo' ka'. Le chinn x̱tan da' ka' žóḻ-ḻenle.

³Le wkweže lozgak bia ka' kate' nak byo' že'n, dan' naken ža žónteze žonžo lni la'y.

⁴Naken to da' žon byene gongak benne' Israel ka', dan' bchi'le Dios gongak ẕa'só Jakob ka'.

⁵Bzoen' ka to da' wḻoé'elen ẕa'só Jwsé ka' da' ben Dios katen' bžójgake' ḻo yežlyó Egipto, gan benla' to x̱tíža'gak benne' ka' da' bi bejni'ila'.

⁶Ẕnna Dios: “Beká'a ywa' da' bdá'gake' x̱kóže'lgak benne' chia' ka'. Beslá' benne' chia' ka' ḻo na'gak benne' ka' bkóngekle' ḻégake' žin.

⁷Ḻo da' wẕáka'le, bḻižle neda', na' gókḻena' ḻe'e. Becheba' chele gan wzóa' to ḻo bejw gasj katen' wnnéḻe'e wzió', na' wẕí' bi'a ḻe'e gan de bej nis da' nzin' Meriba.