SALMOS 79:7-13

⁷Bžia yí'gake' ẕa'só Jakob ka', na' bchínnjgake' lížgake'.

⁸Bi yesbago'o neto' da' ẕia da' wbága'gak x̱a x̱na' gole cheto' ka'. Da ka' gaze yeyache' ḻáže'lo' neto', dan' bedó ḻáže'to'.

⁹Gokḻen neto', Dios, Benne' Weslá cheto', nich ga'n ẕen La la'y chio'. Beslá neto', na' bsoḻe doḻa' cheto' nich ga'n ẕen La la'y chio',

¹⁰dan' nnagak benne' ka': “¿Ganẕkze Dios chegak benne' ka'?” Bezí' wzón benne' ka' bétgake' benne' wen žin chio' ka'.

¹¹Ben ki nich yógo'te benne' chio' ka', benne' ka' zej yoe'e ḻo na'gak benne' ka' bi ẕḻé'egekle' neto' chawe', ḻé'egekle' da' gono'. Ḻen yeḻa' wak ẕen chio' beslá benne' ka' nžog chégake' gátgake'.

¹²Bneẕjw chegak benne' yež gawze ka' yegaže kwe' da' ẕinnj ka da' béngake', dan' ben dítjgekle' Le', X̱anto' Dios.

¹³Neto', benne' chio' ka', na' ẕila' chio' ka', we ḻawto' Le' to chi'ize. Góḻtezeto' da' wká'n ẕento' Le'.